雖然毛毛咁大條毛都淨係識煮下公仔麵，但其實我都試過學整甜品㗎！諗住自我增值下，升值做優質男神股吖嘛！不過都係嗰句，毒L最忌有自信，所以毛毛到而家都未學得識囉......

但係呢個笨唔係毛毛嘅錯囉，都冇人教毛毛原來要搵埋屋企隻龜幫手整嘅！

最近日本有個網民開心些牙咗佢整甜品嘅心得，原來溶牛油唔使自己嚟嘅，叫自己隻寵物龜就得㗎喇！嗱首先放盤牛油係個龜背上面，然後開著個暖爐等啲暖風吹出嚟，其中一面嘅牛油就會慢慢溶。

然後呢，因為龜仔佢係冷血動物嚟，體溫會跟住環境轉嘅關係，佢歎歎下暖氣，就會擰轉身，等另一邊個身都暖下！而佢個殼上面盤牛油就會同時溶得好勻循喇！

咁高智能又自動化，真係好幫得手喎，搞到毛毛都想搵龜仔朋友幫下手呀！不過諗深一層，就算毛毛同龜仔咁辛苦整完，都......冇人會要㗎啦......嗚！

封面圖片及資料來源：magulorekuro/twitter