老老竇竇，情人節整朱古力呢個行為真係極有智慧：

將啲喺超市買返嚟嘅朱古力整溶咗佢，然後倒落模，再雪凍返佢，呢幾下真係少啲智慧都做唔到呀！而出咗名高質嘅毛記讀者就決定唔整朱古力，向高難度挑戰，整曲奇餅！

毛毛相信佢一開始係懷住希望同愛去整㗎！只不過整整下，好似，有少少咁多多奇怪……

啲爆開晒，七彩嘅朱古力豆，每一粒都係代表住對男朋友嘅愛，係愛的結晶嚟！毛毛覺得核突，一定係毒L唔識欣賞啫，一定係......

不過老老竇竇，如果有女仔願意喺情人節整嘢食畀你，就算整到成pat SSS咁毛毛都會照啃囉！有得食你仲想點喎？食啦仲望！