本來懲人節呢啲咁傷感嘅節日，毛毛提都唔想提，諗住簡簡單單同隻右手浪漫下就算⋯⋯不過外國有個暖男出現 ，唔派閃光彈，反而周圍派花，咁毛毛就免為其難講下發生乜事啦。

送花嘅Hayden只係一個17歲嘅學生，你知啦懲人節買花都唔平㗎！所以佢偉大到返Part Time儲錢，去下M記打工，去餐廳洗碗，為嘅就係有錢買花。

一年後，佢終於儲夠錢，買咗900朵康乃馨，仲將啲花修剪好，包好，先送畀全校嘅女同學。 

喂喂喂咪住先，佢係咪想識女先做好人咋？唉，Hayden其實本身有女朋友㗎喇，仲好靚女?，毛毛真係好葡萄！但點解佢仲咁偉大？原來佢話，冇嘢重要過見到身邊嘅女仔開開心心咁拎住花行。

收到花嘅女同學當然唔會將啲花一嘢就扔落垃圾桶啦，有啲多謝佢，有啲就話呢件事簡直畢生難忘，有啲就話收花嗰一日係佢最開心嘅日子。 

估唔到懲人節都會有好人好事，毛毛都要效法下佢先，將屋企啲紙巾送晒畀身邊嘅毒L朋友，佢哋一定好感動啫！55！ 

封面圖片及資料來源：Hayden Godfrey / Facebook