年年今日都有唔少花畀女神拎咗去餵局長，真係辛苦晒阿局長吞都吞唔切，計毛毛話識送一定係送炸雞花，係就係熱氣少少，起碼女神唔收都可以自己食咗佢吖嘛！

今日健吾就share咗呢張相，問有冇人想執二手花喎，不過都係危險咗少少，萬一畀女女認得呢紥花熟口熟面真係唔知唔知點算。

新幾年都好興整啲食得嘅花，好似包啲朱古力呀瓜瓜菜菜落紥花度，不過包十一隻炸雞鎚就真係未見過喎！


聽啲妹豬講每種花都有自己嘅花語，送呢紥花嘅時候就可以同女神講「我對你嘅愛就好似呢嚿炸雞一樣，經得起滾油嘅考驗，好似雞皮一樣咁熱氣，雞肉一樣咁溫柔」，真係又浪漫又飽肚，唔錯唔錯，女神收到一定好開心啫。

來源：健吾、 Wan Hang Leong/澳門網購