你哋成日開口埋口都話哪有女，Come on~ 呢個世界唔係得愛情囉OK？冇女又點啫！親情都好可貴㗎，你睇呢對孖女陪住對方一生幾咁幸福？！（可惜毛毛連孖仔都冇）

想話毛毛吹水？睇下呢對法國嘅婆婆先講啦！佢哋今年104歲，係雙胞胎嚟㗎，唔單止個樣似，笑容都一樣咁開心喎！ 

兩位婆婆出世嘅時候其實早產，醫生嗰陣話佢哋可能有生命危險，得好細機會可以生存落去。好彩，婆婆而家仲好健康，生活不知幾輕鬆，日日睇書睇電視聽歌散下步，真係令人羨慕！

點先可以好似婆婆咁健康咁開心？婆婆就表示，首先你要有阿哥家姐／細佬妹，然後「always stay close」。

呢對Twins去到邊都出雙入對，得閒就坐低一齊傾偈。唉⋯⋯毛毛就淨係對住個WhatsApp，仲要撳嚟撳去都搵唔到人陪自己吹水⋯⋯ 所以話，都係屋企人最好！

婆婆仲話呀，生活最好簡簡單單，記得做多啲運動，咁樣就長命百歲其實唔難！毛毛都想呀，可惜日日都冇時間，同埋⋯⋯冇咩事，毛毛都係出返去做嘢先喇，腦細is watching me⋯⋯

封面圖片及資料來源：Daily Mail