毛毛以為狗仔貪玩，先會搞到Kick住咗啫！

但原來呀，貓貓個頭Kick住，唔單止嬲，仲會黑晒面，令毛毛諗起一個人⋯⋯不過呢隻貓貓就唔係貪玩，只係有傷口，所以佢嘅奴才要幫佢罩住個頭，唔畀佢再抓傷。

主子呀主子，奴才都係為你好咋，可唔可以原諒奴才唔好嬲呀？

最多畀多啲好味嘅貓糧主子你食吖？哎呀！主子息怒，奴才一等你好返就即刻幫你除咗佢啦！

呢位奴才實在太天真喇，主子塊面一日黑過一日不特止，就算之後乜都唔使再戴，塊面仍然都係咁黑⋯⋯嗱！講到黑面呢樣嘢，毛毛都應該明白你感受吖，講個真相畀你聽啦，其實你主子唔係黑面，只係唔笑啫！佢心底裡其實好關心你，係百份百嘅暖男嚟⋯⋯吖，暖貓先啱！毛毛講緊貓貓咋，唔係講緊腦細，真係唔係⋯⋯

【順手睇埋】狗狗咬爆道門搞到Kick住

封面圖片及資料來源：Metro