毛毛作為一個毒L嚟講呢，都叫做幾有生活品味㗎！聽講啲文青平時最鍾意去啲咖啡店，影住杯咖啡，然後hashtag一句懶係有深度嘅句子呃like，毛毛都識㗎！有時啲店員仲會好有心機，喺個咖啡杯上面畫公仔?！

老老竇竇，啲畫畫得咁靚，啲店員唔沖咖啡都可以考慮下轉行做畫家喎！如果毛毛收到呢啲杯，一定會影相之後再洗乾淨佢留念！之不過最近日本就有個網民收到隻咖啡杯，上面寫嘅嘢搞到佢差啲喊出嚟呀！

根據毛毛睇咗咁多年日本愛情動作片嚟講呢，呢幾行日文大概嘅意思就係：「你冇拉拉鏈喔～」咁解，下面仲有三個哈哈笑?！有網民就話個店員咁做好貼心，低調又高調咁話畀個客人聽佢火車未到站，之但係一拎住個杯行街咪GG？同埋唔知點解，毛毛愈望就愈覺得啲哈哈笑個樣好詭異，仲好似有啲技術性暗示……between，唔知個店員係咪囝囝嚟呢？如果係，呢個好可能係一個美麗童話嘅開始呀，hehe～

封面圖片來源：twitter/tetsuroooo

資料來源：twitter/tetsuroooo、alexiedidi/instagram、ju.lee_0713/instagram