呢排新年前後，寄貨就最煩㗎喇，分分鐘寄兩個禮拜都未收到貨呀～（Between，毛毛都係聽同事講，唔係親身經歷，事關冇人會寄嘢畀毛毛。）

台灣有個網民都有同樣嘅煩惱呀！佢家姐個同事寄咗啲布丁畀佢爸爸，點知幾日都未收到貨喎……是咪個速遞大哥肚仔餓，偷偷地食咗呀？

寄件人咪打畀速遞大哥問下咩事囉，點知原來速遞大哥見到佢張單上面「寄件人」嗰項寫咗 「在台南的小三XXX」，以為有個小三咁明張目膽寄貨去奸夫屋企，挑釁個大婆呀！

佢為咗捍衛人哋家庭幸福，所以寧願扮整唔見件貨都唔幫小三寄貨！仲喺電話度勸人「做人家小三真的不好」……搞到個寄件人解釋咗好多次，速遞大哥先肯信佢只係搞笑亂咁寫，唔係真係小三。最後收件嘅爸爸見速遞大哥份人咁正氣，都忍唔住要請佢食返個布丁表揚下佢！

個寄件人又係嘅，好玩唔玩，拎呢啲嘢嚟玩！下次唔好咁曳曳，最多寫SP好喇，小三好慘㗎，要做TSA！

封面圖片、資料來源：‎●【爆料公社】●

回帶：【神回覆出現了】SP同小三有冇分別？