情人節禮物，嚟嚟去去都係嗰幾樣啦，唔係送花就送珠義盛，方便啲妹豬post相曬命呀嘛。呢位巴打就（冒住生命）突破性咁送咗樣9成會畀女朋友打9死嘅禮物：珍！珠！奶！茶！

話說台灣有pair情侶要long-D，仔仔就留喺台灣，女女就飛到去美國，每日都要晨咁早起身傾視訊，有一日，女女話好掛住台灣嘅滷肉飯、雞排、珍珠奶茶……唔好話台灣人呀，毛毛都好掛住呀！嗚呀！

之後，愛的奇蹟就發生鳥！個男朋友真係帶埋珍珠奶茶飛去美國搵佢女女！下，唔係呀化，雖然係好surprise，但情人節送珍珠奶茶，又真係hea咗啲喎師兄，唔驚畀女女詐你型？！

最閃嘅畫面出現喇！原來嗰杯唔係普通嘅珍珠奶茶，而係特登將珍珠同奶茶分開裝喺保溫瓶托運過美國㗎！個超級暖男仲喺機場即席單膝跪低……唔係求婚呀咁老土，係沖一杯珍珠奶茶畀佢女女！雖然只係杯珍珠奶茶，但真係100%體現到咩係物輕情義重！嗚呀真係閃到毛毛盲喇，求認識呀唔該！個暖男呀！

封面圖片、資料來源：批踢踢