噚日作為毒L一年一度嘅大忌節日，冇咩事毛毛當然係毒留在家中啦，但係台灣有位女網民竟然無懼閃光衝擊，一個人去睇Deadpool喎，唔通佢係情侶去死去死團嘅成員？

似乎佢未畀啲情侶嘅閃光彈閃親，就已經凍親喇，真係慘豬嚕，毛毛睇到都好想9衝去台灣畀啲溫暖佢，唔通佢要多謝嗰位某某先生就係毛毛？（FF Mode）

咦咦咦，佢形容嗰啲特徵又幾似毛毛喎，佢係咪搵緊毛毛呀？不過毛毛噚日冇去睇戲，又冇遇到女仔甩鞋踭，又冇見到佢唔舒服，又冇公主抱咁送佢搭的返屋企……哎呀，這些機會……早知毛毛都去睇Deadpool啦，睇完可能出到pool呀！

果然，眾裡尋他千百度，皇天不負有＿人，喺網民瘋狂些牙呢段浪漫嘅尋人啟示之後，呢位暖男終於都蒲頭喇！

嘩嘩嘩，原來呢位暖男留意咗個女仔好耐，仲話係為咗撞佢先專登去睇戲?！有冇咁峰迴路轉呀，拍偶像劇咁，不過睇落個女仔又幾受落喎！

暖男仲打蛇隨棍上話自己情人節遇過最好嘅事，就係見到個女仔甩鞋踭，梗係啦！成功畀佢抄到個女仔牌之餘，仲畀佢約到個女仔出街?！嗚嘩，毛毛感覺到佢哋之間嘅愛情種子要爆發喇，係初鏈呀，初鏈呀！

估唔到呢啲對白係就係老套啲，但又好似幾work喎，等毛毛都背返兩句喺戲院門口捕女神先！希望下年嘅情人節，毛毛可以唔使再同左右手度過啦！

封面圖片、資料及圖片來源：爆廢公社