每年嘅情人節都有好多妹豬犯法㗎，犯咩法？咪係商品說明條例囉！個個都整到啲朱古力變晒形，嚇親男朋友！以為佢哋已經好犀利？咁諗就太膚淺喇......

日本有位網友嘅爸爸，雖然收到份現成買返嚟嘅情人節禮物，但入面啲嘢竟然恐怖過妹豬牌朱古力，毛管都戙埋呀喂！

唉，唔好見到蟲仔就彈開住，呢盒嘢有故事㗎。咪講一條白朱古力毛毛蟲點結繭，再變做蝴蝶嘅一生囉！

雖然呢盒朱古力整咩似咩，但萬一朱古力入面真係一條蟲嘅話，都咪話唔驚呀。不過始終都係買返嚟，唔係自己整，應該冇咁伏嘅......。點都好過另一位網友，佢喺舊年叫老婆整朱古力，點知收到熊人咬魚乾嘅朱古力，明知係伏都要食呀！

其實蟲仔又好、多咗條魚乾嘅朱古力都好，送得畀你都係一份心意吖！畀著係毛毛，一定會大大方方咁收咗佢，如果毛毛收到嘅話......

封面圖片及資料來源：MA_chikori/twitter