有位好迷惘嘅網友見到呢張告示表示1999，話諗左陣先知點讀，仲深過文言文呀！

呢個告示嘅藝術水平簡直係直逼MK文學巨著《我迷失在.＊ 這場﹍×°愛情遊戲》呀！之前嗰句is L but就話英文差睇唔明啫，不過呢個隻隻字都係中文，都要load幾秒都未load到喎。

而家「我好on9咁讀咗」呢句已經乘到百幾喇，嗱毛毛冇讀埋出聲呀...冇開口讀咗三次先睇得明呀，真係冇呀冇呀。

呢個告示咁有詩意就咁白紙黑字印出嚟真係嘥咗啲，等毛毛幫你整個真MK閃字火星文版本等你貼喺車尾啦。

嗱不過如果你真係貼咗喺車尾，後面啲車唔塞都想撞你就唔關毛毛事喇！

來源：Dennis Chan/小心駕駛(討論別人駕駛態度)