每朝喺雙子塔等毛毛返工嘅，就只係一張丟空了無人坐的櫈，然後毛毛就獨望著空櫈心難過……唉，點解又要返工呀！可能啲日本仔都同毛毛一樣有同感，所以就發明咗呢張識郁嘅櫈喇！

嘩嘩嘩，拍下手張櫈就識自己郁呀，係就係好似幾方便，啪一下啲櫈就識泊返整齊，但當好多張櫈一齊郁嗰陣都咪話唔恐怖呀！

諗諗下，如果喺Office持續咁發出啪啪聲（嗱唔好諗衰嘢呀，I mean掌聲咋），咁啲櫈咪會keep住係咁郁囉！

唔使坐上張櫈度，毛毛就咁隔住個mon望多幾眼都暈喇……哦！一切謎底都解開了！原來張櫈係用嚟整到自己暈下暈下唔舒服，跟手咪可以射個三分波囉！日本仔你哋都算古惑喇，等毛毛都買返張擺喺雙子塔度先！腦細，快啲批假呀，我要去日本做正經嘢呀喂！

封面圖片、資料及圖片來源：NissanJP/Twitter