噚晚毛毛難得唔使開OT開到咁夜，可以喺屋企食飯，點知一開電視睇到個政府廣告就即刻冇晒胃口，連飯都唔想食，之唔係正苦個sell三跑嘅新廣告囉。

廣告開頭第一句就話喇：「呢個地方，從來都係個奇蹟嚟」，跟住就播香港巨星李小龍1971年喺啟德機場開唐山大兄記招，同1996年港隊風帆女選手李麗珊幫香港贏咗第一面奧運金牌之後返到機場嘅畫面，真係咩本土情懷都湧晒出嚟呀。

點知鏡頭一轉，做旁白嘅阿麟就話：「佢係香港嘅經濟奇蹟，唔應該到此為止」。佢？邊個佢呀？咪機場囉！＿你個街，原來呢個係Hard Sell三跑嘅廣告嚟㗎！ 由李小龍、珊珊兩個香港奇蹟，拉到去三跑，又幾有創意喎……

哦～毛毛明喇，根據正苦嘅囉直，如果起咗三跑，香港第日就會有多個好似李小龍咁馳名國際嘅武打巨星喇！唔知三跑係咪仲識得幫香港運動員加持，等佢哋贏多啲比賽嘅呢？

封面圖片、資料來源：香港國際機場三跑道系統擴建計劃廣告