早排個個出門之前都望下自己門口有冇畀人畫幾筆，驚死賊仔入屋，之但係膽生毛嘅毛毛就算門口畀人畫咗隻龜，都冇有怕呀，因為……毛毛根本窮到冇嘢可以畀人偷呀，嗚呀！不過笨唔係每個人都好似毛毛咁毛畏毛懼嘅，喺強國就有人因為驚賊，將自己間屋整到成間籠屋咁喇！

嘩嘩嘩，畀咁多又長又粗嘅鐵通圍住，唔會好有壓逼感嘅咩？間屋好似坐緊監咁呀～BTW，啲鐵通排得咁整齊，成條梯咁，真係防到賊仔定畀條梯賊仔入屋先？

不過有啲強國網民就認為呢啲鐵通可能係一種建築藝術，咁又係嘅，藝術嘅嘢毛毛識條鐵閘咩？

唔好睇少啲鐵通呀，雖然係空心咋，但條條都成2cm咁厚㗎！

喺慈母嘅角度嚟講，鐵通應該係同導彈同級嘅攻擊性武器，咁咪即係成間屋都畀武器包圍住嚕，畀慈母見到又會有聯想啦！不過就算間屋畀武器圍住又點喎，最緊要係住喺入面嘅人係邊個之嘛，如果入面住嘅係普通市民，啲白色嘅油漆都係生化武器啦～

封面圖片、資料及圖片來源：騰訊新聞