呢個世上最難改變嘅嘢，除咗命運之外，就係老竇。有時佢寧願信個個月派幾罐午餐肉畀佢嘅乜乜乜社區助理，都唔肯信個個月畀幾千銀家用嘅你講嘅嘢，不過一個深藍老竇竟然因為一個領展而改變咁多年嚟嘅立場呀！

今次青衣長發街市班商販又抗爭又罷市，真係相當激進，簡直係街市社運界嘅新里程呀！
然後有一個網民分享咗自己老豆由一個睇大台同染紅布嘅藍絲一夜之間明白到抗爭嘅道理，佢個仔應該老懷安慰喇。


如果你遇上述老竇或者係自己老竇，請唔好同佢哋講：「你個廢中，少少事就咁激進，學人抗議搞到社會唔和諧，仲有罷市就直情係擾亂經濟呀！肯肯定係美國啲農場派人滲入香港街市利用你哋搞事呀！」，你只要同佢淺笑一下，滄桑咁輕輕點個頭就可以喇。

老竇呀老竇，你唔明唔明呀，你見到嘅荒謬，唔係一架穿梭巴士同埋啲入侵嘅不明商販，唔係領展畀人外判咗任人魚肉咁簡單呀，係成個香港畀人外判咗呀。

來源：長發街市關注組、Johnny Mak