作為一個廢青加毒L，夢想就梗係好似成醒咁拖住女神手仔（同埋有車）啦。日本仔就設計咗一個一舉兩得嘅發明呀！

日本最近出咗呢個震驚世界嘅發明，專係設計畀啲成世都未拖過女仔隻手嘅毒L，啱晒角度嘅擺位、連埋暖笠笠嘅冷衫袖，真係諗起都心跳加速呀。

根據成醒嘅駕駛哲學，拖住隻女仔隻手揸車就要慢啲（好似係），呢個發明大量投產分分鐘解決到日本全國嘅超速問題呀！

毛毛表示好想要呀，雖然毛毛又冇女又冇車，不過毛毛淨係買支波棍都應該買得起嘅。

封面圖片及資料來源：rotary_mj/twitter