其實新年假都放完成個星期啦，但毛毛個holiday mood仲好似強力硬膠咁黐實毛毛......唉，有時真係忍唔住想射個波！不過毛毛連屋企爆屎渠呢招都已經用咗喇喎，仲有咩理由可以寫落請假信呀？喂，諗唔到嘅不如學下呢位來自杭州嘅網民吖～

嗚哇！佢請假嘅理由竟然係佢見到爺爺感嘆自己冇好好感受年輕就已經變咗做阿伯，想陪爺爺再年輕多次呀！呢封孝子請假信真係睇到毛毛好滾動，而最滾動嘅係，佢腦細話：「只要動起來，年輕什麼時候都不晚，即使是到80歲。批准假期！」

btw，之前都台灣都有個廿四孝暖爸見乖女唔知醒，冇扚佢返學校操paper不單止，仲幫佢寫埋信請假啦～

er......不過呢，最好就唔使毛毛自己射波啦......如果，毛毛話如果呀，如果毛毛有得被放假，咁就好嚕～

嗯，冇咩事嘅話，毛毛出返去做嘢先。

封面圖片來源：鳳凰網

資料來源：鳳凰網、Cecilia N. Pangkat／●【爆料公社】●

回帶：【超強請假信】女女瞓晏咗 爸爸：還望師長恤其與自身征戰之無法自拔