台灣有網民行行下街，見到電單車上面有隻超打耳嘅狗公仔呀！

隻狗仔又幾逼真喎，啲毛毛睇落都好順滑咁，睇見都想抱抱佢呀～點知行近啲睇真啲，原來係堅•狗仔嚟㗎！隻貴婦狗畀人用膠袋包實，但都冇亂咁郁，只係乖乖咁坐喺車上面等主人返嚟。

但係咁樣包實，好易窒息㗎嘛！好彩個網民見到，幫佢開返條罅畀狗狗透氣咋！唔係後果真係唔敢諗呀！不過網民都話，因為始終唔係自己嘅狗狗，所以唔敢亂咁掂佢，希望狗狗冇事啦～好多網民都留comment鬧個主人虐狗，但係毛毛見狗狗毛色咁靚，又有衫仔著，主人應該係鍚佢嘅，不過用錯膠袋幫狗狗擋雨啫～

哎呀主人呀，其實有呢啲狗狗專用雨褸賣㗎，咁咪唔怕狗狗整濕，又唔使用膠袋包住佢咁dan狗gerus囉！

封面圖片、資料來源：‎●【爆料公社】●