毛毛都唔明點解啲真﹒毛孩明明同毛毛一樣咁打耳，都仲係有人會遺棄佢哋。喂大佬呀，你應承咗照顧佢哋就唔該負返啲責任好冇？知唔知佢哋會受幾大打擊呀？（嗱毛毛真係講緊養寵物，唔係講緊自己畀女神飛，千祈千祈唔好諗錯ok？）好似呢隻狗仔咁，就算被人遺棄之後畀獸醫救返，都仲係驚到縮埋喺個籠嘅角落頭度呀！

獸醫見隻狗仔連嘢都唔敢食，就諗咗條計仔去幫佢！

冇錯！就係走埋入個籠度同狗仔一齊食飯呀！初時狗仔見佢入嚟嗰陣都心諗做乜9㗎，不過見個獸醫又冇傷害佢，又會摸下自己，咁啱又有啲肚餓，於是就開始大大啖咁食嘢喇！

係愛呀哈利！見到隻狗仔終於畀獸醫嘅愛打動到，真係忍唔住要啪啪啪慶祝一下！滾動到毛毛都濕晒呀！不過睇完段片就唔好以為失去咗嘅信任係好容易建立返，當中嘅過程係難到你唔信，亦都需要好多時間！所以養寵物前真係要諗清楚呀唔該！（between，毛毛都對愛情失去咗信心好多年，有冇人可以畀返啲愛我呀？嗚……）

封面圖片及資料來源：GraniteHillsVet