塞隻戒指喺杯甜品度畀實派時呢招就out咗好耐啦，但係自己整個食得嘅水晶球就未見過喎！仲要係用急救器材整㗎，冧暈咗女朋友仲可以即場同急救呀！

整呢個戒指水晶球嘅暖男係急症醫學嘅學生，識急救仲識用埋急救架撐嚟冧女，點夠你玩呀？

呢嚿嘢學名叫做膠囊及面罩復甦器，即係急救嗰時可以泵啲氣入去傷者個肺度，估唔到仲可以用嚟泵嚿糖波波出嚟喎。


呢位男朋友話送戒指唔係求婚，係想畀個驚喜女朋友咋，哇你拉高晒條curve IFC咁高，你叫啲是旦拎棵植物就去求婚嘅巴打點算呀？！

不過你今次係咁而整個實派時玩咁大，到你真係求婚嗰時你唔用心電圖寫情書加鹽水樽整水火箭喺維港上空飛都唔得喇。

來源：Man Kit