呢隻叫Smeagol嘅喵星人一年前喺高速公路畀人發現咗，佢當時下巴重傷，連醫生都話佢冇得救，但係奇蹟出現咗呀！

因為佢下巴傷得好嚴重，而且當時又瘦又細隻唔適合做手術，最初醫生話佢冇得救，但係救佢返嚟嗰個女仔唔肯放棄佢。

獸醫話Smeagol冇咗個下巴冇可能食到嘢，但係個女仔試下畀啲流質食物佢，點知Smeagol即刻成塊面堆落個碗度好努力好努力咁食，唔止食到仲食晒成碗?，好強嘅求生意志呀！！！

之後佢慢慢長大，越大越健康，做完下巴手術之後，而家仲可以食到硬嘅貓糧喇！

哇佢而家真係好靚仔呀，一啲都唔似魔戒嗰隻Smeagol喇，睇返之前啲相完全唔會知係同一隻貓嚟～ 


佢主人仲喺facebook一直紀錄住佢嘅康復狀況同埋post佢而家嘅得意相，真係好多謝主人一年前冇放棄Smeagol。如果香港啲流浪喵星人都有人唔放棄佢哋，咁就好喇。

來源：Smeagol_puss