毛毛一直都以為寵物界裡面，得狗先係人類嘅朋友，因為貓貓係人類嘅主人囉......想貓貓服侍你真係想多了。係得狗仔先咁有義氣，連拖雪橇咁辛苦都肯制，貓貓最多咪捉下老鼠...仲要係捉畀自己玩㗎咋。

但係毛毛錯喇......原來呢個世界上真係有「雪橇貓」㗎，仲一隻就拖得郁成個人?呀！

呢隻雪橇喵叫Jesper、今年三歲，喺挪威度住，一出世就見住啲雪橇狗拉雪橇～ 唔知係咪咁，佢主人要佢學下啲雪橇狗嗰陣，佢竟然冇say no，真係拉住人周圍走呀！
貓貓出咗名高竇，好似Jesper咁嘅貓貓真係少見呀！不過等陣先，唔知點解毛毛越睇越覺得，隻貓其實係拖緊個貓奴去散步......

封面圖片來源：News Today
資料來源：DailyMail