日本仔好興還原漫畫同動畫入面嘅嘢食，成日整到似模似樣見到都想食，今次香港都有人還原電影入面嘅神菜式，仲要係《食神》嘅黯然銷魂飯呀！

歐錦棠喺facebook些牙咗佢喺呢個黯然銷魂飯試食大會嘅相，仲話有個老闆，因為《食神》嗰段戲食勻全港叉燒飯都搵唔到心目中嘅呢種味道，決定苦心鑽研，用三年時間嘗盡百款食材，終於成功將「黯然銷魂飯」還原，仲搞咗呢個試食大會呀！


佢仲寫咗篇千字文食評，哇，有冇咁好食呀？！

係咪睇到都有少少滾動呢，係呀，因為真係有洋蔥㗎！

咪住先，你哋覺唔覺得個畫面爭咁少少嘢，冇錯，係家燕姐呀！！！

嗯，毛毛覺得成件事都好完美，係爭咁家燕姐嘅評語啫，老闆你快啲研究埋瀨尿牛丸叫毛毛試食啦！

圖片來源：歐錦棠