最近偉大嘅其他國家領導人習總去咗中央電視台、新華社同人民日報三間官媒度視察，班員工心情梗係仲愉快過江交棒啦，可以親眼一睹習總嘅英姿嘛！嗚呀，這些機會！

可以同習大大見面，相信係一個好難忘嘅回憶，噚日新華社參考新聞編輯部副主任蒲立業就用筆名「樸拙子」寫咗首叫做《總書記，您的背影我的目光》嘅詩，寄託自己對習大大嘅感情喇！

嗚呀，毛毛就唔識得咩文學賞析喇，不過首詩感情豐富，就算隔住個mon，毛毛都feel到詩人對習大大嗰份仰慕傾慕愛慕之情呀！

唔少強國網民睇完呢首文學大作之後，都感嘆詩人不為強權折腰嘅高尚情操，大受感動呀！希望詩人可以得償所願，得到習大大寵幸啦！毛毛睇好你呀！

毛毛大受啟發，都寫咗首拙作獻畀我哋嘅梁書記呀！希望如果有日梁書記大駕光臨毛記電視城，可以親手送畀佢啦！

封面圖片來源：新浪網

資料來源：微信、微博