台南喺2月6號發生大地震，世界各地都有民眾捐錢畀台灣嘅慈善團體，希望幫到喺地震入面痛失家園嘅人。

唔記大家仲記唔記得日本2011年發生嘅「311大地震」呢？當時台灣迅速咁派咗救難隊去日本幫手，社會各界又發起賑災募捐，當時由台灣寄出嘅救援物資保守估計超過一千公噸，而台灣捐嘅錢更加超過有捐款嘅其他93個國家加起嚟！

台南發生26大地震之後，日本好多人都用自己嘅方式表達對台灣嘅支持！好似呢張字條咁，就係一個台灣網民去日本玩嘅時候，有個侍應哥哥寫畀佢嘅。

有另一位網民都有相似嘅經歷，都係喺大阪旅行嘅時候，餐廳老闆知道佢嚟自台灣，於是就特登用中文寫咗呢張字條畀佢。

台灣網民仲表示，日本街頭貼咗唔少類似嘅打氣字句，連去食飯嘅時候，隔籬枱嘅食客都會開口關心台灣嘅情況。

甚至連喺澳洲開拉麵店嘅日本人都一樣咁關心台灣，喺舖頭貼上「天佑台南」嘅字條，喺地球另一邊默默送上祝福。雖然係好老套，但都想講句，天災無情，好在人間有愛。

封面圖片、資料來源：‎●【爆料公社】●