喂！邊個話黑面係腦細嘅專利？只要你夠性格，就算幾開心嘅moment，你都可以黑面度過！就好似呢位婆婆咁，霸氣到邊個都冇面畀呀！

話說呢位婆婆成110歲，可以活到咁長命，大家都happy birthday to her！有間電視台更加搵婆婆做訪問?，諗住請教下婆婆長壽之道咁話。

不過呢，雖然主持人笑晒咁問婆婆嘢，但婆婆就一臉「咪鬼煩住我啦喂」嘅表情！主持人一直問問題，但婆婆一於少理，隔好耐都唔出聲！

既然婆婆咁cool，試下禮物攻勢啦，送花又點？婆婆只係輕輕咁講：「啲花，唔會留得幾耐。」噢，又失敗?！真係好難搞呀！婆婆究竟鐘意啲咩㗎！

婆婆終於肯講喇，佢話生日，只係有兩個願望：飲酒同瞓覺。

唉，咁婆婆你介唔介意分享下養生之道？婆婆答：「我冇做啲咩，咪正常咁生活囉！」

主持人去到呢度都放棄喇，話婆婆呢刻應該好想瞓覺休息，唔再阻住佢咁話。

多謝呢位婆婆教識毛毛點樣對抗腦細呀！以後腦細問乜，毛毛一於唔理，就算出糧嗰刻，毛毛都只係會輕輕咁講：「份糧，唔會留得幾耐。」同埋最重要一句：「咩話OT？食得㗎？」

封面圖片及資料來源：Daily Mail