俗乳有暈，有得食唔食，罪大惡極～嗱，好明顯呢隻來自外國嘅狗仔就係深明呢個豆奶，所以先會咁大膽偷食蘿蔔啦！

不過既然偷食得，就唔好怯喇，因為......一怯就輸成世㗎啦！而呢隻狗仔似乎偷食經驗尚淺（脷伸：毛毛都係零），睇下佢個樣驚到呢，雖然佢想用無辜嘅眼神過關，但佢口入面條蘿蔔一早就已經出賣咗佢啦！

哎呀～條蘿蔔唔小心跌咗出嚟喇！所以話呢，偷食唔止要抹嘴，仲要合埋個嘴呀！

唉，狗仔呀狗仔，你以為自己係倉鼠，可以將啲嘢食收收埋埋喺個嘴度咩？

不過計毛毛就話，偷食始終涉及風險，最好嘅解決方法呢，就係好似毛毛咁清心寡慾齋食自己，Er …… I mean自己食齋，咁咪咩事都冇囉，55！

封面圖片來源：imgur
資料及圖片來源：imgur、chiki__hamu/twitter