講到結婚，這些機會點都唔屬於毛毛㗎喇，哪有女！？不過，外國最近有個喺3.5萬呎高空舉行嘅婚禮，背後原來有個好感人嘅原因㗎！

做緊空姐嘅新娘Kristy嘅媽媽患上咗癌症，己經係第4期嘅階段。佢話有三個心願，第一，可以參觀阿女工作嘅地方；第二，可以去阿女喺華盛頓嘅屋企；最後，就係可以睇到阿女同男朋友「戥凳凳凳，戥登鄧凳」，拉埋天窗咁話。

而上個星期五，Kristy終於係全機乘客見證下，完成咗呢個空中婚禮，等媽媽喺同病魔嘅搏鬥中，可以親眼見證到阿女嘅幸福。

媽媽笑住咁祝福阿女，毛毛隔住個mon，都feel到佢有幾感動同安慰呀！

不過孝順嘅新娘子一諗到媽媽仍然病重，就忍唔住喊咗出嚟。

婚禮完咗之後，新娘攬到媽咪實一實，全機嘅乘客見到呢個畫面都好滾動。毛毛都衷心祝福新娘同希望佢媽媽可以順利進行治療啦。

封面圖片及資料來源：fox29