因為地段好而有幸被發展商睇中嘅衙前圍村上個月就成功被封村喇，宅心仁厚嘅市建局梗係拆晒啲屋同村舖，趕走啲阻住經濟發展嘅村民同，等班大財團可以喺度起豪宅同開連鎖店啦。人就趕畀人逼走晒喇，但係啲村貓呢？正苦就梗係理得佢啦。

衙前圍村原本係一個好有活力同埋人情味嘅地方，村民同村貓相處得好好，村入面嘅舖主一直用放養嘅形式畀食物佢哋。

但係拆村計劃開喇之後，佢哋就由自由自在嘅村貓慘變無主孤貓喇......

政府當睇唔到呢班貓嘅存在，班義工驚拆村嗰時佢哋會連樓帶貓一齊畀堆土機壓成廢堆，所以連日嚟晚晚都走入去救返啲貓貓出嚟，但係就仲未幫佢哋搵到新屋企呀。

真係唔該晒呢班貓義工呀，希望呢班衙前圍貓可以早日搵到新屋企啦。

傳送門：想幫班貓貓睇呢度