老老竇竇，半價Godiva呀，啲港豬豬都即刻9衝排幾粒鐘啦，更何況係派免費嘢呢？俗乳有暈，執輸行頭慘過敗家呀嘛，早排結束一桶專棄專頁就搞咗個免費派布辦活動，一聽到免費呢兩隻字咋，啲豬仔就仆到去喇，嘩你睇下多人到，唔講仲以為有錢派?呀！

可能劉華嗰個「今時今日咁嘅服務態度係唔夠㗎」太深入民心啦，啲嚟攞免費布辦嘅豬豬都當咗自己係消費者咁，要求派布畀佢哋嘅人都要有服務態度之餘，仲要畀氣人哋受喎！

話明係布辦吖嘛，就梗係碎啲㗎啦，唔通畀塊窗簾布你咩？又要拎又要彈都唔知係咩玩法囉！

可能啲豬豬以為呢個派布活動就好似禮義廉派米活動咁，嚟到就一定有得攞，仲要長攞長有?，如果唔係就唔投票畀你！之但係人哋搞呢個活動純粹係想善用地球資源，唔係想換票呀，老奉要派畀你嘅咩？

為咗拎免費布，啲豬豬究竟仲可以去到幾盡？插隊、「扮」排隊、搶布，有啲拎完發覺唔滿意仲要賴死唔走求換布?，免費拎完布仲可以當正自己係大爺，果然人無恥則無敵呀！

無論係捐布嗰個，定派布嗰班熱心義工，佢哋其實可以有好多種選擇，但最後佢哋揀免費派街坊，只係想多啲人受惠，而唔係奉旨受你哋氣㗎！唔使望左望右喇，如果你睇完呢篇覺得有啲心煩氣燥，冇錯就係話梗你喇，自己去面壁啦！

封面圖片、資料及圖片來源：結束一桶專棄/Facebook