而家做人最重要係咩呀？係多like呀！總之有理冇理，咩都放晒上網呃like，咁先係硬道理。Like可以當飯食㗎，你唔係唔知呀？好似最近就有個強國人拜山嗰陣唔小心燒咗成個山頭，都係第一時間影相放上網話畀大家知！

你睇下佢，唔單止話畀大家燒咗座山，仲點埋其他有份嘅人嘅相，真係巧叻叻呀！而家咁誠實嘅人真係好少見，好難得㗎喇！

佢仲話自己燒完山之後趕住著草，搞到隻腳整親喎！哎呀乜咁陰公豬呀？毛毛係話座山呀！你睇下，全部嘢燒晒，毛都唔多條！毛毛隔住個mon睇都覺得心都痛埋呀！

一班網友都睇唔過眼，將佢啲相send晒畀公安，話要報警拉佢！點知佢仲唔認係自己燒山，想賴落個女度，話係佢燒炮仗唔小心搞成咁喎！好彩最後個小朋友都講返個真相出嚟，原來係佢叔叔玩炮仗嗰陣唔小心點著咗啲野草，搞到成座山燒著咗囉。唉，強國人為咗求讚真係可以去到好盡，邊夠你哋玩呀仲！

封面圖片及資料來源：中國青田網