台南2月6號發生大地震，奪去好多人嘅生命，包括姓黃嘅一對小兄弟。最近佢哋媽媽，就喺facebook留言畀五月天嘅阿信，話希望可以拎到佢嘅簽名送畀囝囝，當做最後禮物。

媽媽話兩個小朋友都好鍾意五月天，每次揸車出去，都一定要播佢哋嘅歌，而囝囝就快要火化做小天使喇，所以希望可以拎到阿信簽名，等佢哋可以喺另一個世界都聽到最鍾意嘅音樂。

唔少網民見到段留言，都覺得好感動，幫手洗板留言，等阿信可以見到媽媽嘅說話，完成佢嘅心願！

阿信間音樂公司嘅工作人員都回覆咗其中一個幫手求簽名嘅網民，話阿信已經知道咗呢件事，聯絡咗黃媽媽喇！希望黃媽媽可以盡快拎到阿信親筆親名，送畀一對寶貝囝啦，亦都希望兩個小朋友感受到媽媽對佢哋至死不渝嘅愛，RIP。

封面圖片來源：五月天 阿信facebook

資料來源：五月天 阿信facebook、台灣《蘋果日報》