毛毛成日聽到啲情侶話自己電話號碼同另一半有4個數字一樣呀、大家都同一個月生日呀、你生日日子就係佢屋企門牌號碼呀咁，就即刻對眼發晒光咁話係天生一對，緣份天注定，真係打晒冷震呀。有咩咁叻豬啫，真係未見過大蛇屙尿呀！

台灣立法院國會助理施喻琁直頭同佢女女身份證幾乎完全一樣?呀！話說佢哋要一齊報團去旅行，所以就意外發現大家嘅身份證號碼，除咗開頭個英文字母同區分性別用嘅第一個數字，其餘8個數字係完！全！一！樣！㗎！有數學老師仲話，呢個「真愛密碼」出現嘅機會係一億分之一呀！

佢個真愛密碼喺網上瘋傳之後，佢仲喺facebook話如果係中統一發票就好喎。哼哼，知你威威喇，使唔使咁囂屎呀！

同女朋友撞身份證冧巴咋嘛，好叻咩……毛毛夠同女朋友同一日生日囉！

封面圖片、資料來源：中電時報、施喻琁facebook