膽生毛嘅毛毛唔怕黑面，但同其他人一樣，都怕old seafood㗎！正所謂seafood越老越辣，就好似星林居呢個阿姐咁，因為把口太毒辣，搞到個食客都頂唔緊，要開post教訓下佢呀！

話說呢位三家姐呢，食食下麵聽到有個女人瘋狂鬧人喎，初時以為係阿媽當街鬧仔啦，點知原來係鬧個侍應哥哥收少咗大拿拿$204蚊呀！嘩，真係好錯囉，I mean食完嘢借啲意唔比錢嗰檯客呀！

其實個侍應哥哥say咗梳ly，仲話肯負返責任?，已經好過正苦啲膠官多多聲啦，冇咩事出返去繼續做嘢咪算數囉，點知個阿姐仲要不停鬧不停鬧，仲用粗口加人身攻擊?，人哋收錯錢啫，又唔係搞到你媽媽，使唔使問候人哋媽媽咁好禮貌呀～　

最後位三家姐忍唔住爆seed PK個巴辣阿姐啦，點知位阿姐即刻施展變臉大法喎，真係即刻nice返又得，得咗呀！

或者人哋可能真係冇咁醒目，但都唔等於人哋係IQ有問題啫，不過好明顯嗰位阿姐EQ真係有啲問題喇！有網友留言都話呢個阿姐平日嘅性趣就係問候人呀，似乎佢真係有鋪癮咁喎！

可能啲old seafood做得耐真係會seafood痕痕的，就好似而家啲正苦膠官咁，要搞下屎棍問候下人咁，先過到日晨㗎嘛！

封面圖片、資料及圖片來源：為何斯德哥爾摩沒有譚仔三哥 by 三家姐/Facebook