根據識食小王子毛毛一日食足五餐嘅經驗，其實好多嘢食如果撈埋一齊食，都係估佢唔到咁驚天地泣的神咁好味㗎！好似牛油果加豉油、布丁加杯麵咁呀，宵夜食真係一流㗎！講起都濕晒呀，個咀。

不過有啲嘢，都係毛毛呢個創意美食小子接受唔到嘅，好似朱古力醬加肉類咁…… 是咁的，有個台灣網民去買早餐嘅時候同事頭婆講想要「要一份培根吐司還有巧克力」，即係想要煙肉多士同朱古力多士啦，點知就嚟得一份喎。唔通事頭婆太忙，落漏咗單？

點知，佢一打開個多士，就見到啲咁嘅嘢……嘩黑媽媽咁咩嚟㗎，睇見都覺得冇胃口食早午晚餐啵。原來事頭婆以為佢想要「煙肉多士加朱古力」呀，咪幫佢嚟個crossover，整埋同一份囉。都好呀，而家食fushion菜好貴㗎仔。

其實人哋食奇異果煲粥都係咁啦，煙肉多士加朱古力，算得係乜呀，最多咪又鹹又甜食完生飛滋，到時又可以食返碗奇異果粥降下火喇，由第一至十八級地獄嘅味道都畀你食勻晒！

封面圖片、資料來源：●【爆廢公社】● 

延伸閱讀：【老竇地獄廚房】奇異果煲粥