噚日元宵節，毛毛都有匿喺屋企同自己團圓㗎，唔係可以去邊喎，你話好似台南鹽水月津港咁有元宵燈節就話啫！你睇下嗰幅皮影裝置藝術，有一家大細咁幾有愛！

本身個畫面都好地地嘅，突然之間對男女就開始??啦，仲…仲…仲…哎呀毛毛唔敢再睇喇，真係好污穢呀！！！毛毛都係敢當街啪啪啪……手掌咋，點可以咁開放當街啪啪啪㗎．教壞細路喇！！！！

有網友喺幕後面影咗條片，原來佢哋係有著褲嘅……呼，好在毛毛純潔嘅心靈力保不失咋！

不過老老竇竇，真又好假又好，唔係毛毛企喺道德膠地呀，而係當街做埋啲咁嘅動作，你唔shy時毛毛都shy啦，你話畀好似毛毛呢啲毒男睇到，情可以堪喎？愛都係回家做罷啦！

封面圖片、資料及圖片來源：爆料公社