嗱毛聊冇獎問答遊戲：知唔知呢條嘢係咩嚟呢？有熱心嘅英國市民有日行行下街，就發現呢條嘢瞓喺街度，

充滿愛心又想像力豐富嘅佢，即刻就以為呢一條係一隻受咗重傷嘅水獺，於是就報警叫差人嚟救佢喇。點知當警察去到嘅時候就發現，原來呢一條……只係一條頸巾……咩啫人哋生得似水獺你估佢想㗎咩。不過班警察笨冇因為佢只係一條頸巾而放棄佢，反而係帶佢返警局，當真動物咁看待呀！

頸巾都有靈性，都係一條生命嚟㗎！班警察將條頸巾改咗名做Ollie，又幫佢喺警車、警局度影相，同大家報平安，仲話佢已經睇晒網民們嘅留言，多謝大家關心咁話喎。成件事真係好有愛呀！

做得幾多得幾多，又唔怕蝕底去幫人，仲要玩得！呢啲先叫真﹒慈母囉唔該！

封面圖片及資料來源：newportcops/twitter