香港土地問題咁嚴重，唔夠位住人，咪一間房住5個人囉，地鐵唔夠位，咪迫埋啲做下沙甸魚算囉。

架車唔夠位裝貨嘅話，都一樣可以畀啲力塞入去，塞爆晒每吋空間，咁咪唔怕嘥位囉！

有網民話今日喺老銅一個過海的士站見到呢架的士，入面塞滿晒一袋袋嘅疑似發泡膠粒，啲發泡膠粒仲延伸到出車外呀！連車尾箱都放咗幾袋，咁搞法會唔會睇唔睇到倒後鏡㗎司機大佬？

目擊嘅網民同毛毛講，個司機大佬最後仲好畀心機咁塞入啲塞入啲，成功將啲發泡膠粒塞晒入車一嘢閂埋門走咗呀！都仲閂到門，大家唔使擔心啦，呢架貨車連車尾都閂唔埋都未出聲呀！

封面圖片、資料來源：馬路的事討論區