問世間情為何物？唉，毛毛都知自己問幾多百次都唔會明㗎喇......但美國就有對公公婆婆畀人影到張閃到爆嘅相，令人葡萄得嚟又有啲感動，仲有成百幾萬個Like?！

話說婆婆就想揀隻襯自己膚色嘅化妝品，但大嗱嗱幾廿款擺喺面前，加上婆婆視力又唔係幾好，所以咪睇到躁底囉！不過呢位公公就好有耐性，叫婆婆唔使騰之餘，仲同佢慢慢揀到啱為止，揀完之後仲錫婆婆一啖呀，呢啲咪堅．好package囉！

呢個故事唔單止令毛毛流下孤獨嘅淚水，仲令好多網民留言講自己嘅故事。

好似呢個comment咁吖，佢話見到一對老情侶，兩個人都坐住輪椅，但呢位老公公就堅持每日都推住老婆婆去食早餐喎！當公公被問到使唔使幫手嘅時候，公公都只係話：「佢係我老婆，我想照顧佢呀。」

呢兩個故事雖然講出咗啲大道理，但毛毛好似一啲親切感都冇，唉，這些機會......

封面圖片及資料來源：Love What Matters/Facebook