每次毛毛喺行李輸送帶度等行李嗰陣，都會以為人哋個喼就係自己嘅。鬼咩！個個用啲喼個款都差唔多，來來去去唔係黑色就灰色，梗係容易認錯啦！不過如果好似呢位來自日本嘅山口先生咁，識得自己設計一個喼出嚟，咁就包保唔會認錯啦～

咩話，呢個就係山口先生設計嘅旅行喼呀？乜成個櫃咁樣樣嘅？冇錯，其實佢本身真係一個桐木衣櫃嚟，但加咗兩個轆之後，佢就成為咗一個「復古木製文青必備旅行喼」喇！

重點係，每格櫃桶仲可以鎖㗎，咁咪唔怕畀人偷嘢囉～

btw，呢個喼係用實木製嘅，咁會唔會未擺嘢入去就超重㗎......

封面圖片及資料來源：朝日新聞、山口祐弘