毛毛最怕就係見到啲黑面怪，就算佢唔開口鬧人呀，只要一個唔小心同佢有咩眼神接觸，都會畀佢拋到，仲好似有陣寒氣由背脊湧上嚟咁……（嗱毛毛冇暗示某人呀）

不過呢隻貓貓就唔同喇喵～！連黑面都得意過人嘅！如果返工見到嘅黑面怪（堅係冇暗示）可以變做呢隻黑面貓就好喇！呢隻貓貓個樣，幾時都咁嬲爆爆咁㗎！

「捨得返嚟餵我食嘢喇咩衰佬喵！」

「食藥？我最憎就係食藥㗎喵！」

「洗面真係好煩囉喵！」

「人生，呀唔係，貓生就好似啤酒咁苦呀……喵～」

嗚呀！呢隻黑面貓真係巧打耳！就算佢一日黑面黑足24個鐘，毛毛都願意對足佢24個鐘！不過佢主人話呀，其實佢唔係躁底，都唔係更年期所以成日嬲爆爆，只係天生個樣係咁嘅～毛毛明嘅，「我笑不代表我快樂」呀嘛，黑面都唔一定心情差嘅～

其實毛毛就話個主人可能太天真喇，貓主子黑得面，實有原因嘅……係咪佢唔記得咗開暖爐畀主子享用呀？香港有個貓奴只係熄咗暖爐一陣，想重新插過個插蘇咋，你睇佢班主子嘅眼神幾凌厲……

封面圖片來源：instagram

資料來源：天下貓貓一樣貓、instagram

延伸閱讀：【塊面黑過腦細】貓貓你搞乜嬲爆爆呀？