相信大家細個嘅時候都玩過角色遊戲，又扮消防員又扮警察又扮醫生咁（ok，其實可能你大個咗仲玩得多嘅，不過係扮護士空姐同missy咁啫，嘻嘻）～

呢個小妹妹都玩緊醫生遊戲呀！而病人就係佢屋企嘅狗狗Nala呀！小妹妹一開頭好細心咁幫Nala量下血壓先～血壓正常！可以check下一樣！

跟住就量下體溫喇～小妹妹好溫柔咁揭開Nala隻大耳仔幫佢量下有冇發燒～量完左耳又量右耳，真係好打耳呀！

之後小妹妹又用個唔知咩高科技醫學儀器幫Nala檢查下個咀仔同個鼻，似模似樣咁啵！

最後小妹妹仲餵埋Nala食藥呀～呢個醫生又檢查身體又餵食藥，真係唔話得喇～玩咗咁耐，Nala由頭都尾都坐定定任小妹妹玩，冇郁身郁勢㗎！毛毛以為大狗狗係好惡嘅，點知原來對住小妹妹係咁有耐性，咩都就晒佢㗎，真係好有鐵漢柔情feel呀嗚呀～！

雖然小妹妹玩得好過癮，Nala都坐定定好乖咁陪佢玩餐飽，不過Nala呢個無奈嘅囧樣，毛毛好似喺邊度見過咁嘅……呀，係男人陪妹豬濕平時候嘅表情呀～

封面圖片、資料來源：YouTube