喂喂喂，毒L就話會成班group埋一齊打機啫，你班企鵝戇戇居居企埋一堆又想做乜先？

古乳有暈，如果太多牛奶味，朱古力味冇掟企，唔通今次係因為土地問題，搞到連企鵝都冇掟企？有冇咁迫呀？睇上去，每隻企鵝50呎活動空間都未必有呀！

唉，好慘呀，企鵝家族入面仲有大有細，有老有嫩。鵝太又話「企開少少啦唔好迫咁埋呀」，鵝仔又喺度「唔好過界呀」，到底佢哋搞乜東東呢？

毛毛問過業餘生物專家，呢種企鵝叫國王企鵝（King penguin），係全世界第二大企鵝嚟㗎！乜國王都咁慘慘，連皇宮都冇呀！？

原來呀，佢哋圍埋一齊嘅原因係好偉大，係為咗幫啲企鵝BB取暖㗎！因為企鵝BB太細個，表面層毛毛唔夠厚，佢哋體溫咁低好易凍死，所以班企鵝爸爸媽媽就圍埋一齊，貼身護住班BB。嗱，呢啲就係正宗嘅圍爐取暖喇！

企鵝家族嘅故事啟發到毛毛，腦細就好似企鵝爸爸咁偉大，每日企喺毛毛後面黑住面咁監察，就係想令毛毛返工暖啲！多謝你呀，暖男腦細！

封面圖片及資料來源：Daily Mail