以前讀U嗰陣毛毛最叻嘅唔係讀書，唔係考試，而係……叫同學仔幫幫手take attendance……喂你知唔知上8半堂係全世界最困難嘅事嚟㗎！所以遲少少到，叫同學仔幫手簽名，係一件好合理嘅事嚟！不過估唔到原來而家啲台灣中學生用嘅方法已經超越咗毛毛喇，真係青出於藍呀下。

呢位同學仔，做咩成日耷低頭呀？是咪唔C服呀？話時話做咩你隻腳咁幼嘅喂？

哦原來唔係人嚟，只不過係將件外套頂帽放上張枱度，然後下面兩條褲腳就搵嘢支撐住，整到好似有個人咁伏喺枱面度囉。眼力差少少都畀你呃到呀！整呢個假人出嚟嘅網友就話，因為嗰日要考試但係佢個同學仔遲到，所以就諗住整個假人出嚟頂住檔先，博老師睇唔到喎。

佢最後有冇成功到毛毛就唔知，之不過見到啲台灣網友都紛紛開心些牙佢哋整假﹒同學嘅相，睇嚟台灣啲老師都幾玩得下呀。吖你估毛毛都整返個放喺鍍金雙子塔度，腦細會唔會發現吖嗱…….

封面圖片來源：dcard

資料來源：dcard 、爆廢公社、爆料公社