女大十八變嘅故事就聽得多啦，劇情通常都係當年男仔嫌個女仔醜樣，點知十幾年後再見返個女仔變咗女神，自己就變咗毒L⋯⋯冇喎個男仔一定唔係毛毛喎⋯⋯而強國最近又有呢類劇情發生，不過就唔係愛情，而係親情呀！

話說1992年喺強國有個女嬰畀人遺棄，不過佢好好彩，最後畀個美國家庭收養咗，仲幫佢改名做Jenna Cook。

而Jenna大個女之後就巧叻叻咁考咗入耶魯大學，仲打算畢業後就返強國搵返親生父母。之不過強國嘅嘢邊有你諗得咁簡單吖！少女你太年輕了！

外國名牌大學喎咁光宗耀祖，即刻引嚟44個家庭爭住認做佢爸爸媽媽呀！有啲人仲交晒戲，懶感人咁話：「我哋永遠都冇忘記你㗎囡！咁多年嚟都好擔心你！」諗住加下感情分，但結果係暫時有36個家庭都唔脗合DNA測試囉。

喂好心你哋跟鼎鼎學下嘢先嚟認親認戚啦，眼淚都冇滴，叫阿霞姨點畀飯盒你哋呀！

2007搵到2013年，足足返咗七次強國都剩係遇到啲白撞嘅人，唉！毛毛希望Jenna你可以快啲搵到真正嘅爸爸媽媽啦！

封面圖片及資料來源：Ada出生在美國/微博