唔知點解而家仲係有啲人覺得有紋身嘅就係壞人，大佬呀而家時代唔同喇，著老西笑騎騎嗰啲人分分鐘仲衰呀！（嗱毛毛真係冇話緊邊個呀，唔好自己對號入座呀嗱！）最近喺外國就有兩張紋身嘅相瘋傳，原因兩個字：係緣份呀！

是咁的，呢個左耳聾咗嘅女仔因為有個好特別嘅紋身，所以畀人影相放咗上網。係呀你冇睇錯，佢個紋身係一個靜音嘅圖案嚟！代表住佢耳仔聽唔到嘢，有意思得嚟又夠型，於是話咁快就有好多網友些牙喇！

網絡嘅力量真係好強大呀！過咗一陣又有網友開post，原來佢都同個女仔一樣，係左耳耳聾嘅人士，而且佢哋個紋身位置都係一模一樣㗎！不過個男仔就紋咗個熄咪嘅圖案，有少少唔同咁多多啦！見到佢哋兩個身體上雖然有缺憾，但係都冇收埋自己，反而大大方方咁紋身話畀人知，真係好樂觀呀！重要個紋身其實都幾有型…...唔得！毛毛都要整返個先！

成日聽到啲人話要wifi吖嘛，紋個wifi上身，希望會多啲人（最好係女）埋毛毛身啦，嗚嗚。

封面圖片來源：reddit/imgur

資料來源：iBleedorange/reddit、pawsed/imgur