毛毛成日都想約班FD子出嚟食飯，但班友仔成日都甩底放飛機，真係成隻冇雀嘅腳仔咁呀！大個咗係咁㗎啦，邊似得呢隻雀仔咁有義氣呀！

呢兩隻好朋友有一日飛下飛下嗰陣，其中一隻突然之間瞓低咗呀！喂巴打，有冇事呀？使唔使幫你call白車呀？

叫咗你咪飲咁多啦，而家成隻瞓喺地度搞到我哋畀人拍片喇！唉遲d都唔知會唔會喺youtube見到我哋㗎......hitrate實唔夠條友高㗎喎......between，原來呢隻雀仔疑似撞埋咗落窗度，搞到暈低瞓咗喺地呀！之不過第二隻雀仔冇話即刻飛走，反而留喺度啄醒佢！

喂！醒啦，我得你一個好朋友㗎咋！唔好瞓呀，冇咗你以後邊個同我飛去日本呀？

終於，皇天不負有心雀，隻雀仔突然醒返，仲一嘢就飛返起身呀！毛毛9估佢呢隻雀當時個心入面一定講緊：Brother！You will never fly alone 啫！

諗諗下，其實呢隻雀仔同毛毛嘅朋友都幾似吖，平時一係就唔應機，一係就打電話話放飛機。唉，毛毛都係毒自一人，左青龍右滑鼠forever alone算數！

雀仔救雀仔感人片段：

封面圖片及資料來源：Daily Mail