鍍金雙子塔入面雖然表面平靜，但入面其實有好多明爭暗鬥㗎！膽生毛嘅毛毛雖然唔怕被暗箭所傷，但最怕啲同事明張目膽咁做壞規矩，扮晒勤力咁OT，搞到毛毛收工又唔係唔收工又唔係囉！不過如果做到好似呢位人兄咁，毛毛又真係吹你唔漲嘅～

老老竇竇，扮工呢啲嘢梗係留返喺扮工室扮啦，喺M記食嘢都仲扮工，博咩先？係咪真係咁勤力呀？

佢唔單止喺M記拎部電腦做嘢咁簡單呀，佢仲自己砌部電腦出嚟?呀！你睇下佢特登用個支架吊高部平板電腦，等自己可以直望唔使烏低身咁辛苦，仲自備埋無線鍵盤用嚟打字，簡直係符合人體工學嘅流動扮工室設計呀！

不過好似呢啲去到邊都掛住工作，去到邊都當自己喺Office嘅辦公奴隸又點止喺香港有，英國都有呀！唉，果然不用分那麼細，大家都是奴隸獸！好彩奴性呢家嘢毛毛都唔係咁重，毛毛放工喇898！
 

封面圖片來源：Daniel Chan/小心駕駛(討論別人駕駛態度)

資料來源：Daniel Chan/小心駕駛(討論別人駕駛態度)、standard