古乳有暈，家有一老，如有一寶。屋企有老人家，真係會學到好多嘢！唔好再以為佢哋好老土咩都唔識，分分鐘仲潮過毛毛呀！好似之前台灣有個識得潮玩facebook嘅婆婆，聽講佢啲科撈嘩數目以幾何級數上升，足足贏毛毛幾廿個馬鼻......

而最近台灣又有個網民開post，話佢個77歲嘅嫲嫲竟然係NBA勇士隊Stephen Curry嘅忠實粉絲？

每次勇士隊有重要賽事，嫲嫲都會打去個孫仔屋企同佢爸爸報告Curry打成點，又會好興奮咁講「今日Curry又入咗好多粒三分波喇！」咁。唔單止咁呀，佢仲有本簿仔，會mark低晒勇士隊嘅電視轉播時間，仲有埋得分，勁詳細！

前排Curry腳傷，嫲嫲都專登去拜神，求神保佑Curry隻腳快啲好返贏比賽！

喂成件事會唔會太可愛呀！你知啦好少女仔會鍾意睇波㗎嘛，仲要係堅﹒識睇喎！呢個嫲嫲，認真不得了呀！

封面圖片及資料來源：joannaluo/PTT

回帶：【史上最潮阿嫲】識玩FB自拍仲會落filter執相